Мемарыяльны комплекс вызваліцелям
Мемарыяльны комплекс вызваліцелям
Змест
Звесткі аб каштоўнасці
Шыфр
113Д000547
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1944 г.
Апісанне
Мемарыяльны комплекс складаецца з трох аб'ектаў: брацкай магілы з Вечным агнём, бранякатэра БК-92 i стэлы на месцы высадкі дэсанта.
Над брацкай магілай устаноўлена бетонная стэла на бетонным фундаменце. На стэле размешчаны бронзавы барэльеф з выявай Маці-радзімы са сцягам на труне і воінаў у жалобе па cвaix загінуўшых аднапалчанах. З левага боку на стэле мемарыяльная дошка з чорнага граніту. Перад стэлай гарыць Вечны агонь, які выходзіць з пяціканечнай зоркі з паліраванай нержавеючай сталі. З правага боку ад стэлы знаходзіцца асобная магіла Героя Савецкага Саюза генерал-маёра Т.І. Калініна з абеліскам з паліраванага лабрадарыту. З левага боку ад стэлы магіла Героя Савецкага Саюза гвардыі матроса А.Т.Кулікава з такім самым абеліскам. Побач знаходзяцца яшчэ дзве асобныя магілы са сціплымі надмагільнымі плітамі: старшага лейтэнанта Ciзова І.M. i старшага лейтэнанта Зарэцкага Г.В. Усе гэтыя пахаванні абнесены агароджай з бетонных слупкоў з пяціканечнымі зоркамі. Паміж слупкамі - металічныя трубы. Да брацкай магілы вядзе шырокая лесвіца з падпорнымі сценкамі. На верхняй сценцы размешчаны пліты з чорнага граніту з імёнамі загінуўшых вызваліцеляў i надпіс "СЛАВА ГЕРОЯМ" з паліраваных латунных літар. Паміж літарамі размешчаны маленькія пяціканечныя зоркі з паліраванай латуні.
Бліжэй да ракі Піны на бетонным пастаменце ўстаноўлены бранякатэр БК-92, накіраваны ад ракі ў горад. Пастамент узвышаецца на невысокай пляцоўцы.
На паўднёвым канцы галоўнай aлеі на беразе ракі Піны ўстаноўлена бетонная стэла на месцы высадкі дэсанту. На абодвух баках стэлы размешчаны мемарыяльныя дошкі з чорнага паліраванага граніту.
Тэрыторыя комплекса добраўпарадкавана. Галоўная алея, пляцоўкі i дарожкі пакрыты тратуарнай пліткай.
Доступ да аб'екта