Адпраўлена!

Памылка!

Месца былой сядзібы С. Манюшкі: фрагмент уязной алеі; рэгулярны парк; тэрыторыя былой сядзібы ўздоўж р. Волма

Цiкавае

Змест

Звесткі аб каштоўнасці

Шыфр

612Д000652

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Месца знаходжання

Мінская вобласць, Чэрвеньскі раён, в. Убель, тэрыторыя санаторна-прафілактычнага комплекса "Волма" КУП "Мінсктран", межы са ўсіх бакоў праходзяць уздоўж плота па вул. Цэнтральнай

Датаванне

кан. ХVIII - пач.XIX стст.

Стыль

Класіцызм

Апісанне

Сядзiба Манюшкаў стваралася ў другой палове ХVIII ст. Займала маляўнiчую, параўнальна плоскую тэрасу каля р. Волма. Двор Манюшкаў уключаў у сябе панскi дом, службовыя i гаспадарчыя будынкi, сад, невялiкi парк. Будынак дома быў невялiкi, прамавугольны ў плане, аднапавярховы, драўляны. Архiтэктура дома спалучала рысы народнага дойлiдства i элементы класiцызму. У паркавым асяроддзi прасочваўся дух рамантызму. Парадны двор меў традыцыйную пабудову: газон з клумбай у цэнтры, кальцавы пад'язны гасцiнец. Двор быў адкрыты ў бок ракi.

Тут, 5 траўня 1819 г. нарадзiўся Станiслаў Манюшка, вялiкi кампазiтар. Пазней ён часта прыязджаў у Убель.

У цяперашнi час, нягледзячы на вялiкiя страты, добра прасочваюцца агульныя рысы планiровачнага рашэння. Парадная частка сядзiбы амаль цалкам зарасла дрэвамi i кустоўем. З правага боку параднага двара расце таполя канадская "Яўгенiя". Гэта дрэва было пасаджана ў канцы ХIХ - пачатку ХХ стст. замест старой, белай таполi, якую пасадзiў, паводле падання, Ст. Манюшка. Добра выяўлена былая лiпавая алея. Захаваўся пад'язны шлях з боку вёскi.

У 1966 г. у параднай частцы сядзiбы быў пастаўлены абелiск, на якiм зроблены нотны запiс некалькiх тактаў арыi з оперы Ст. Манюшкi "Галька".