Адпраўлена!

Памылка!

Мікалаеўская царква

Цiкавае

Змест

Звесткі аб каштоўнасці

Шыфр

312Г000223

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Гомельская вобласць, Гомельскі раён, в. Старая Беліца, 1-я вул. Міру, 37

Датаванне

1-я п. XVIII ст.

Стыль

Драўлянае дойлідства з элементамі барока

Апісанне

У цэнтры вёскі Старая Беліца знаходзіцца помнік архітэктуры драўлянага дойлідства з элементамі барока - Мікалаеўская царква. Розныя крыніцы называюць розныя часы пабудовы. С.Г. Багласаў у энцыклапедыі “Архітэктура Беларусі” датуе пабудову 1710 г. У “Календаре для духовенства Могилёвской епархии на 1899 годъ” адзначаецца: “... постр. 1777 г.

Храм трохзрубны, восевай кампазiцыi. Усе аб'ёмы завершаны фігурнымі галоўкамі на шасцігранных барабанах (цэнтральны светлавы). Пачатковая кампазіцыя парушана прыбудаванымі пазней тамбурамі -- цэнтральным і двума бакавымі. Інтэр'ер мае трохчастковае рашэнне. Складзеныя з брусоў сцены царквы ў гады Вялікай Айчыннай вайны вертыкальна ашаляваны дошкамі з нашчыльнікамі.

Па словах былога святара, частка царкоўных абразоў пасля закрыцця храма была схавана жыхарамі вёскі, а потым вернута ў царкву. Зараз у храме абразы вельмі розныя па мастацкай каштоўнасці - побач з рэпрадукцыямі на паперы можна ўбачыць самабытнае старажытнае пісьмо.