Міхайлаўская царква са званіцай

Храм -- помнiк драўлянага дойлiдства. Складаецца з квадратнага ў плане асноўнага зруба, завершанага дахам з галоўкай, i больш вузкага зруба з 3- граннай алтарнай часткай, накрытага вальмавым дахам з галоўкай. Да галоўнага фасада прыбудавана веранда, каля алтара -- рызнiца. Сцены вертыкальна ашаляваныя дошкамi з нашчыльнiкамi. Вокны прамавугольныя. Унутры асноўны зруб перакрыты корабавым скляпеннем, алтарны -- плоскай столлю. У iнтэр'еры - разны iканастас i творы iканапiсу 17-18 ст. Перад царквой стаiць зрубна-каркасная 3-ярусная брама званнiца. Нiжнi ярус-- чацьверыковы зруб, ашаляваны дошкамi з нашчыльнiкамi; верхнi -- каркасны /таксама чацьверыковы/, завершаны шатровым дахам. Прамежкавы ярус вырашаны ў выглядзе развiтага прычолка, якi на заходнiм i ўсходнiм фасадах мае трапецападобныя вертыкальныя шчыты з 4 арачнымi праёмамi i дэкаратыўнай панеллю.