Міхайлаўскі касцёл

Трохнефавая двухвежавая базіліка шматаб'ёмнай прасторавай кампазіцыі. Яе вертыкальнымі дамінантамі з'яўляюцца 2 двух'ярусныя вежы з шатровымі завяршэннямі. Да асноўнага аб"ёму, накрытага двухсхільным дахам, далучаны больш нізкія прыбудовы трансепта, пяціграннай алтарнай часткі, бакавых сакрысціяў. На галоўным фасадзе ўваход вылучаны высокім праталам, акном-ружай, галерэяй. Цаглянай муроўкай выкананы элементы архітэктурнага дэкору: лапаткі, аркатурныя фрызы, ліштвы адзіночных і здвоеных арачных аконных праёмаў, профілі і раскрапоўкі. унутраная прастора перакрыта цыліндрычнымі скляпеннямі з падпружнымі аркамі і люнетамі, упрыгожанымі фрэскавай арнаментальнай размалёўкай. У завяршэнні нэфа – манументальны шматкалонны алтар, над уваходам – арганныя хоры.