Комплекс сядзібы ўключае сядзібны дом, гаспадарчы будынак, падмуркі гаспадарчай пабудовы, парк, капліцу. Сядзібны дом - прамавугольны ў плане аднапавярховы зрубны будынак на невысокім бутавым цокалі. Накрыты высокім двухсхільным дахам. З двух бакоў прымыкаюць невялікія прыбудовы пад аднасхільным дахам. Галоўны фасад вылучаны слупавай галерэяй з навіссю. Галерэя мае разны парапет. Рытм аконных праёмаў і слупоў галерэі надае будынку архітэктурную выразнасць. Прамавугольныя аконныя праёмы ў простых ліштвах без аканіц.