Надмагільны помнік І.М. Балоціну

Надмагільны помнік вырашаны ў рэалістычных традыцыях. Уяўляе сабой пагрудны скульптурны партрэт спевака на пастаменце. Вышыня бюста 0,8 м, пастамента 1,9 м. Партрэтныя рысы дэталёва прапрацаваны. Выразны твар перадае стан эмацыянальнага творчага ўздыму народнага артыста, прафесійную прыналежнасць падкрэсліваюць дэталі касцюма. Пластыка скульптурных форм вылучаецца мяккасцю і дэталёвай прапрацоўкай. На пастаменце памятны надпіс і гады жыцця І.М.Балоціна. Магіла абнесена невысокім бардзюрам з граніту. Ісідар Міхайлавіч Балоцін (сапраўднае Ізраіль Рувімавіч Балотны) — беларускі савецкі спявак, народны артыст БССР (1944), грамадскі дзеяч. У Вялікую Айчынную вайну быў у эвакуацыі, працаваў у Свярдлоўскім тэатры. У1941 — 1942 гг. выступаў на сцэне Вялікага тэатра СССР, прымаў удзел у прыфрантавых канцэртных брыгадах.