Адпраўлена!

Памылка!

Надмагільны помнік Л.І. Бядзе

Цiкавае

Змест

Звесткі аб каштоўнасці

Шыфр

712Ж000249

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнік мастацтва Ж

Месца знаходжання

г. Мінск, Першамайскі раён, Усходнія могілкі

Датаванне

1978 год

Апісанне

Леанід Ігнатавіч Бяда (1920 — 1976) — двойчы Герой Савецкага Саюза, заслужаны ваенны лётчык СССР (1971), генерал-лейтэнант авіяцыі (1972). Нарадзіўся ў с. Новапакроўка Урыцкага раёна Кустанайскай вобласці (цяпер Кастанайскай) ў сялянскай сям ’і. Яго бацькі пераехалі ў Казахстан з Украіны. Скончыў Уральскі педагагічны інстытут (1940), Арэнбургскую авіяцыйную школу пілотаў (1942), Ваенна-паветраную акадэмію (1950), Военную акадэмію Генштаба (1957). У Чырвонай Арміі з 1940 г. На фронце са жніўня 1942 г., спачатку на Сталінградскім, затым Паўднёвым, 4-м Украінскім, 3-м Беларускіх франтах, старшы пілот, намеснік камандзіра, камандзір эскадрыллі, памочнік камандзіра 75-га гвардзейскага штурмового авіяпалка. Удзельнік Сталінградской бітвы, вызвалення Украіны, Крыма, Беларусі, Літвы, наступальных аперацый ва Усходняй Прусіі і Польшчы. Зрабіў 214 баявых вылетаў на штурмавіку “Іл-2”—першы быў пад Сталінградам, апошні пад Кенігсбергам. Званне Героя Савецкага Саюза прысвоена 26.10.1944 г. і 29.06.1945 г. Быў узнагароджаны ордэнам Леніна, 4-ма ордэнамі Чырвонага Сцяга, ордэнам Аляксандра Неўскага, ордэнам Чырвонай Зоркі, ордэнам Айчыннай войны 1 ступені, медалямі.

Пасля вайны камандаваў авіяцыйным палком, дывізіяй у г. Лідзе з 1963 г., у 1966 — 1968 гг. намеснік, у 1968 — 1972 гг. 1-ы намеснік камандуючага 26-й паветранай арміяй Беларускай ваеннай акругі, з 1972 г. камандуючы авіяцыяй Беларускай ваенной акругі. Быў дэпутатам Вярхоўнага Савета БССР у 1959 - 1963, 1975 — 1976 гг. Жыў у Мінску.

Л.І.Бяда загінуў 26.12.1976 г. ў аўтамабільнай аварыі разам са старшынёй Прэзідыума Вярхоўнаго Совета БССР Ф.А.Сурганавым. Пахаваны на Усходніх могілках. У 1978 г. на магіле пастаўлены помнік, выкананы скульптарам І.Міско і архітэктарам Ю.Казаковым.

Надмагільны помнік уяўляе сабой скульптурны партрэт ваеннага лётчыка на пастаменце з чырвонага граніту са складаным подыумам. Вышыня бюста 0,8 м, пастамента 2,2 м. Кансоль з тыльнага боку бюста пераходзіць у дугападобную стужку, якая завершана стылізаванай выявай самалёта. Партрэт Л.Бяды пераканаўчы і рэалістычны. Выразны твар перадае мужнасць, сілу духа, цвёрдую волю і рашучасць двойчы Героя Савецкага Саюза. Прафесійную прыналежнасць падкрэслівае лётчыцкі шлем. На пастаменце памятны надпіс і гады жыцця Л.І.Бяды. Магіла абнесена невысокім бардзюрам з граніту.