Падсвечнік
Падсвечнік
Змест
Звесткі аб каштоўнасці
Шыфр
722Ж000060
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
ХVІІ стагоддзе
Стыль
барока
Апісанне
Перададзены з Пінскага краязнаўчага музея Брэсцкай вобласці ў 1974 годзе. Падсвечнік на трох ножках у выглядзе птушыных лап, упрыгожаных валютамі з маскаронамі. Аснова аздоблена трыма фігурамі херувімаў і трыма паўфігурамі пуцці, якія трымаюць у руках кветкавыя гірлянды. Выкананы ў стылі ранняга барока (з элементамі позняга рэнесансу). Для Беларусі пара падсвечнікаў з Пінска з’яўляюцца найбольш адметнымі сярод шэрагу ідэнтычных помнікаў драўлянай пластыкі, яны даюць уяўленне пра характар дэкору храмавых інтэр’ераў у XVII ст. і сведчаць пра тагачасныя культурныя і мастацкія ўплывы. Разьба па дрэве выканана на высокім прафесійным узроўні. Элементы арнаментыкі запазычаны з італьянскага мастацтва, якое абапіралася на антычныя ўзоры (валюты з маскаронамі, ножкі ў выглядзе птушыных лап, лісце аканта), а таксама ўключала хрысціянскую сімволіку (трэснутыя плады гранату, выявы херувімаў). Блізкія па стылістыцы творы з захаванай паліхроміяй маюцца ў зборы Нацыянальнага мастацкага музея Украіны.
Доступ да аб'екта