зваротная сувязь
Калі вы заўважылі недакладнасць, ці маеце пытанне - лістуйце:
Пакроўская царква
Шыфр
113Г000230
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1885 г.
Стыль
Неакласіцызм
Апісанне
Пакроўская царква размешчана на скрыжаванні дарог (тэрыторыя былой вёскі Мышчыцы-Пакроўскія), на сучаснай вул. Камсамольскай у г. Жабінка. Пабудавана ў стыле неакласіцызма ў др. пал. ХІХ ст. і з'яўляецца адной са старэйшых праваслаўных цэркваў Брэстчыны. Пры храме была царкоўна-прыходская школа.
Архіўныя матэрыялы сведчаць, што ў 1902 г. і 1908 г. ажыццяўляліся капітальныя рамонты царквы. У перыяд акупацыі г. Жабінка кайзераўскімі войскамі немцы, якія надавалі вялікае значэнне захаванасці чыгункі, выкарыстоўвалі царкоўную званіцу як наглядальны пункт.
У гады Вялікай Айчыннай вайны праваслаўныя храмы на Брэстчыне функцыянавалі. Верагодна, дзейнічала і Свята-Пакроўская царква ў Мышчыцах. Нажаль, афіцыйных звестак аб гэтым перыядзе гісторыі храма не выяўлена.
Прыход праваслаўнай Свята-Пакроўскай царквы функцыянаваў і ў гады савецкага перыяду, калі большасць храмаў былі зачыненыя і знаходзіліся ў безгаспадарным стане.
Храм дзейнічае і ў наш час. Дыхтоўнасць пабудовы і трываласць канструкцыі дазволілі захаваць асноўны аб'ём будынка і яго дэкор да нашых дзён. З 2002 г. дзейнічае нядзельная школа.
Сартаваць па