Пакроўская царква
Пакроўская царква
Змест
Звесткі аб каштоўнасці
Шыфр
112Г000413
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1674 г.
Стыль
Барока
Апісанне
Свята-Пакроўская царква размешчана на паўночна-ўсходняй ускраіне вёскі. Пабудавана ў 1674 г. манахамі-дамініканцамі як рымска-каталіцкі касцёл Унебаўзяцця Найсвяцейшай Панны Марыі. Падчас уніі касцёл быў аддадзены ўніяцкаму кліру, які валодаў ім да 1831 года. За ўдзел духавенства ў паўстанні 1831 г. касцёл быў зачынены і не дзейнічаў да 1862 г. За гэты час дах будынка значна разбурыўся, у дрэнным стане засталіся толькі сцены.
У 1862 г. быў выдадзены ўказ аб перабудове дамініканскага касцёла ў праваслаўную царкву. У гэтым жа годзе храм быў асвечаны як праваслаўны ў гонар Пакрова Божай Маці.
У 1877 г. у царкве быў зроблены рамонт. У 1889 г. да царквы была прыбудавана трох'ярусная званіца, абноўлены дах і надбудавана вежа над алтарнай часткай. Прыбудова званіцы прыўнесла ў архітэктуру барочнага храма рысы рэтраспектыўна-рускага стылю.
Асноўнае зальнае памяшканне падзелена на дзве часткі драўляным іканастасам (спраектаваны ў 1877 г. архітэктарам Розенам), упрыгожаным разьбой. У апсідзе знаходзіцца абраз XVIII ст. “Спас з дзяржавай” і "Маці Божая Адзігітрыя".
У пасляваенны савецкі перыяд царква заставалася дзеючай. Рамонты фасадаў і ўнутранага ўбранства праводзіліся на ахвяраванні вернікаў.
Царква-помнік архітэктуры барока з рысамі рэтраспектыўна-рускага стылю.
Доступ да аб'екта