Пакроўская царква з брамай-званіцай

Царква пабудавана ў 1740 годзе з дрэва, перабудавана ў 1884 годзе інжынерам А. Рэмерам.

Помнік драўлянага народнага дойлідства. Складаецца з асноўнага і алтарных зрубаў, прамавугольных у плане і накрытых агульным дахам з трохвугольнымі навесамі ў месцы злучэння зрубаў. 

Двух'ярусная чацверыковая званіца-брама размешчана асобна на восі царквы. Канструкцыі верхняга скразнога яруса званіцы маюць таксама малюнак у выглядзе ромбаў.

Рызніца размешчана за апсідай, якая аддзелена створаным у 1830-я гады іканастасам, над уваходам размешчаны хоры.