“Савейкі” - значны барочна-класіцыстычны ансамбль кан. ХІХ - пач. ХХ стст. Савейкаўскі парк з'яўляецца помнікам прыроды рэспубліканскага значэння.

Комплекс сядзібы захаваўся ў адносна добрым стане. Акрамя парку з вадаёмамі ў наяўнасці былыя сядзібныя пабудовы: жылы дом з флігелем, гаспадарча-вытворчыя будынкі. 

Сядзіба мае выцягнутую кампазіцыйную вось, на якой размешчаны ўязная алея, партэр, сядзібны дом, парк, вадаём. У сядзібу вядзе ўязная кляновая алея даўжынёй каля 450 м і шырынёй 12 м. Уздоўж дарогі алея была абсаджана елкай.  Захаваліся адзінкавыя дрэвы. З паўночна-ўсходняга боку ад алеі размешчаны сад, які таксама мае ахоўную абсадку з елкі.