зваротная сувязь
Калі вы заўважылі недакладнасць, ці маеце пытанне - лістуйце:
Палацава-паркавы комплекс: палац; інтэр'ер палаца: тры драўляныя лесвіцы, 5 камінаў, 2 печкі, дзверы, вокны, люстры, дэкаратыўнае аздабленне сцен і столі; два флігелі; парк; капліца; гаспадарчая пабудова (былы склад)
Шыфр
412Г000212
Катэгорыя каштоўнасці
Тып каштоўнасці
Падтып каштоўнасці
Месца знаходжання
Гродзенская вобласць, Гродзенскі раён, в. Свяцк, п/с Сапоцкінскі
Датаванне
1779 г. - пачатак 80-х гг. XVIII ст.
Стыль
Барока, класіцызм
Апісанне
Палацава-паркавы комплекс складаецца з палаца, аб'яднанага галерэямі з двума бакавымі флігелямі, капліцы, гаспадарчых пабудоў, парку.Дамінантай усяго комплексу з'яўляецца палац. Палац (цэнтральны корпус) -- мураваны прамавугольны ў плане двухпавярховы з падвалам будынак, накрыты высокім мансардавым дахам. Фасады патынкаваныя. Аб'ёмна-прасторавая кампазіцыя сіметрычная. Галоўны фасад вылучаны 3 рызалітамі. Капліца -- кампактнае прамавугольнае ў плане з дзвюмя бакавымі прыбудовамі збудаванне, накрытае высокім двухсхільным дахам. У цэнтры галоўнага фасада размешчаны спічасты у прафіляваным абрамленні праём увахода, абапал якога спічастыя аконныя праёмы таксама ў прафіляваных абрамленнях. Пад капліцай знаходзіцца склеп-крыпта, перакрытая цагляным скляпеннем. Уваход у склеп з боку тыльнага фасада.Гаспадарчы комплекс сядзібы складаўся з некалькіх будынкаў. Захаваўся толькі будынак склада (першапачатковае прызначэнне не вядома). Зруйнаваныя гаспадарчыя пабудовы, акрамя будынка склада, фактычна страчаны і не ўяўляюць гістарычнай і мастацкай каштоўнасці. Парк пейзажнага тыпу закладзены адначасова з палацам. Плошча складае каля 12 га. Уключае пладовы сад. Аснову паркавых пасадак складаюць маясцовыя пароды дрэў (клён, ясень, ліпа). У планіроўцы добра захавалася ўязная алея, якая плаўна выгінаецца ўздоўж сядзібы, праходзіць каля партэра і далей вядзе да гаспадарчага комплекса. Парадны партэр даволі вялікі ў форме авала. Да яго па восі прымыкае цэнтральны вадаём з лінейнай абсадкай ясеня ўздоўж берага. Сістэма штучных вадаёмаў даволі развітая, складаецца з чатырох сажалак, аб'яднаных пратокамі. У апошні час парк значна перапланаваны. Малыя архітэктурныя формы не захаваліся.
Сартаваць па