зваротная сувязь
Калі вы заўважылі недакладнасць, ці маеце пытанне - лістуйце:
Памятны знак на месцы сядзібы Р.Л. Траўгута
Шыфр
113Д000381
Катэгорыя каштоўнасці
Тып каштоўнасці
Месца знаходжання
Датаванне
1925 г.
Апісанне
Камень з плітой на ўспамін пра славутага земляка Рамуальда Траўгута ўстаноўлены недалёка ад яго былога радавога дома. Памятны знак уяўляе сабой прыродны камень-валун са счэсанай плоскасцю-нішай для ўстаноўкі мемарыяльнай дошкі.
Рамуальд Траўгут - адзін з кіраўнікоў нацыянальна-вызваленчага паўстання 1863 г., нарадзіўся ў маёнтку Шастакова. Бацька Рамуальда Людвік Траўгут быў небагатым шляхціцам, таму маёнтак Шастакова ён узяў у шматгадовую арэнду ў памешчыка генерала Альберга. Дом, у якім нарадзіўся Рамуальд Траўгут, быў аднапавярховы, драўляны, у плане меў форму падоўжанага прамавугольніка, дах будынка быў двухсхільны, гонтавы з высокім комінам. Дом абкружаў невялікі пейзажны парк.
Пасля заканчэння Свіслацкай гімназіі Рамуальд Траўгут паступіў на ваенную службу, удзельнічаў у Крымскай вайне. У красавіку 1863 г. на тайнай сустрэчы арганізатараў вызваленчага руху, што адбылася ў маёнтку Божы Дар пад Кобрынам, прыняў прысягу і даў згоду ўзначаліць Кобрынскі паўстанцкі атрад, правёў шэраг баёў на Палессі і Валыні. Пасля падаўлення паўстання быў арыштаваны і 5 жніўня 1864 г. павешаны царскім урадам у Варшаўскай цытадэлі.
Сартаваць па