зваротная сувязь
Калі вы заўважылі недакладнасць, ці маеце пытанне - лістуйце:
Парк "Саломінка"
Шыфр
213Г000149
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
п. ХХ ст.
Апісанне
Парк “Саломінска” размешчаны на правым беразе р. Крывінка ў в. Дабрыгоры Верхнякрывінскага сельскага Савета. Складаецца з дзвюх амаль абасобленых частак. Плошча парка - 10 га (асноўная - 8 га і абасобленная - 2 га). Закладзены парк у пач. ХХ ст. Асноўныя пасадкі зроблены ў 1906 г.
На дадзены момант у паўднёва-заходняй частцы захаваліся ліпавая алея, алея з лістоўніц, рэшткі кедровай алеі, сетка дарожак і сцежак, у другой (паўднёва-усходняй) – раскіданы группы дрэў, купіны дэкаратыўных хмызнякоў, якія чаргуюцца з адкрытымі роўнымі пляцоўкамі, у трэццяй (паўночнай) – вырас змешаны лес.
Усяго ў дэндрасаставе парка было высаджана каля 30 відаў дэкаратыўных раслін: хвоя Веймутава і звычайная, клён звычайны, татарскі, таполя звычайная і серабрыстая, дуб карлікавы і чырвоны, яблыня сібірская і еўрапейская, акацыя жоўтая і белая, бяроза барадаўчатая, елкі белая, Энгельмана, калючая, блакітная, хвоя Банкса і інш.
З часам першапачатковы выгляд парка змяніўся. На месцы былога пладовага сада вырас змешаны лес. Кедровая алея амаль знікла і прадстаўлена толькі 4 дрэвамі.
Помнік садова-паркавага мастацтва пачатку XX ст. З’яўляецца характэрным узорам паркаў, якія былі распаўсюджаны на тэрыторыі Беларусі ў пачатку XX ст.
Сартаваць па