Пасад Надняпроўскі: будынак

Пабудаваны ў пачатку 20 ст. з цэглы. Аднапавярховы, прамавугольны ў плане будынак, пакрыты двускатным дахам. Сцены - на высокім цокале, прарэзаны лучковымі аконнымі праёмамі. На франтоне будынка - два цыркульныя аконныя праёмы, што дазваляе дапускаць думку аб выкарыстанні ў мінулым гарышча ў якасці мансарды. Вуглы будынка апрацаваны руставымі лапаткамі, над вокнамі - дугападобныя сандрыкі, унізе- палічкі. Будынак з’яўляецца прыкладам жылой архітэктуры з выкарыстаннем асаблівасцей цагельнай кладкі.