Адпраўлена!

Памылка!

Паселішча-1

Цiкавае

Змест

Звесткі аб каштоўнасці

Шыфр

512В000089

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Магілёўская вобласць, Бабруйскі раён, аг. Вялікія Бортнікі, 0,6 км на паўднёвы захад ад аграгарадка, на левым беразе і выступе першай надпойменнай тэрасы р. Ала

Датаванне

14 тыс. гадоў таму

Апісанне

Паселішча-1 каля аг. Вялікія Бортнікі выцягнута ўздоўж рэчышча р. Ала, ператворанага ў меліярацыйную канаву, і ўздоўж асноўнага рэчышча ракі на працягу 50 м пры шырыні да 70 м. Адносіцца да грэнскай, днепра-данецкай, сярэдне-дняпроўскай археалагічных культур каменнага і бронзавага вякоў і плямён дрыгавічоў эпохі сярэднявечча. Культурны пласт праглядаецца ў агаленнях поймы і рэчышчы ракі.

Помнік быў адкрыты мясцовым краязнаўцам В.Г. Сілічам у 1997 г. Абследавалі ў 1999 г. М.І. Лашанкоў, І.М. Язэпенка, В.І. Кошман, у 2000 г. В.Ф. Капыцін, у 2021 г. А.В. Вараненка.

Падчас даследаванняў паселішча была сабрана прадстаўнічая калекцыя крамянёвага інвентара (тронкавыя і трохкутныя наканечнікі стрэл, вастрыя, скрабкі, разцы, сякучыя прылады). Былі выяўлены фрагменты ляпной і ганчарнай керамікі. У час раскопак 2005 г. былі знойдзены, у асноўным, матэрыялы сярэдняга і позняга неаліту (3-ці і 4-ты этапы днепра-данецкай культуры) і сярэднядняпроўскай культуры ранняга бронзавага веку, грузікі жалезнага веку. Таксама кругавы посуд дрыгавічоў, каляровыя шкляныя пацеркі.