Адпраўлена!

Памылка!

Паселішча перыяду фінальнага палеаліту, бронзавага веку, сярэднявечча і новага часу

Цiкавае

Змест

Звесткі аб каштоўнасці

Шыфр

413В000230

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Гродзенская вобласць, Гродзенскі раён, в. Шчачынова, насупраць заходняй ускраіны вёскі

Датаванне

ІХ - VIII тыс. да н. э.

Апісанне

Паселішча перыяду фінальнага палеаліту, бронзавага веку, сярэднявечча і новага часу знаходзіцца на высокай правабярэжнай тэрасе р. Нёман у цэнтральнай частцы вёскі в. Шчачынова, на поўдзень ад прырэчных будынкаў і агародаў да краю тэрасы, паміж ярамі. Займае практычна роўную пляцоўку верхняй тэрасы. Абмежавана гаспадарчымі пабудовамі вёскі, краем тэрасы, з усходу - ярам.

Першыя зборы пад'ёмнага матэрыялу ў ваколіцах в. Шчачынова былі праведзены ў 1937 г. В. Галіцкім. Былі знойдзены крамянёвыя вырабы фінальнага палеаліту.

Стаянка і селішча Шчачынова-1 былі дакладна лакалізаваны ў 1999 г. В.С. Абухоўскім і В.Л. Лакізам. На паверхні былі сабраны крамянёвыя вырабы і фрагменты ганчарнай керамікі, у тым ліку пласціны, адшчэпы, нуклеус фінальнапалеалітычнага часу, неаліту і бронзавага веку.

У 2008 г. помнік абследаваў В.Л. Лакіза.

Тэхніка-тэхналагічны аналіз атрыманай крамянёвай калекцыі артэфактаў, наяўнасць ганчарнай керамікі, лакалізацыя помніка на верхняй тэрасе Нёмана дазваляюць датаваць помнік фінальным палеалітам (ІХ-VIII тыс. да н. э.), неалітам (ІІІ-ІІ тыс. да н.э.), эпохай сярэднявечча і новага часу (XV-XVIII стст.).