Адпраўлена!

Памылка!

Паселішча перыяду старажытнай Русі

Цiкавае

Змест

Звесткі аб каштоўнасці

Шыфр

313В000608

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Гомельская вобласць, Рагачоўскі раён, в. Вішчын, урочышча Янкаў Рог

Датаванне

1-е тыс. н.э. - 11-12 ст.

Апісанне

Паселішча знаходзіцца на правым высокім беразе Дняпра, паміж вёскамі Вішчын і Кісцяні. Пляцоўка паўкруглая ў плане. З боку поля ўмацавана 3 паралельнымі лініямі валоў і равоў, якія складалі паласу абароны шырынёй каля 30 м. З боку ракі абмежавана стромкім абрывам рачной тэрасы.

Вядома з 1873 г. , абследавалі ў пачатку 1880-х гг. С.Ю. Чалоўскі, у 1931 г. А.М. Ляўданскі, у 1950 г. Ю.У. Кухарэнка, у 1956 г. В.М. Мельнікоўская. У 1976-84 гг. раскопкі праводзіла экспедыцыя БДУ пад кіраўніцтвам Э.М. Загарульскага.

Гарадзішча сфарміравалася на месцы стаянкі мезаліту і ранняга неаліту. На грэбені ўнутранага вала выяўлены рэшткі згарэлай абарончай сцяны, пабудаванай з гарызантальна пакладзеных бярвён, умацаваных кароткімі папярочнымі сценкамі. На пляцоўцы выяўлены рэшткі 5 наземных драўляных пабудоў, размешчаных уздоўж унутранага вала. У паўднёвай частцы гарадзішча знойдзены рэшткі майстэрні ювеліра, у паўночнай - свіран з абгарэлым зернем.

У 1979 г. сярод камянёў каля крапасной сцяны знойдзены скарб сярэдзіны ХІІІ ст.: 2 колты з двухбаковай выявай птушак, у тэхніцы перагародчатай эмалі, зорчаты шасціканцовы колт з ажурнай каймой і выявай 2 птушак і крына, 2 расны, якія складаліся з канічных вяршынь са звіслымі ланцужкамі з бляшкамі, кручаны з трох жгутоў з шчытападобнымі канцамі ў выглядзе стылізаваных галовак, масіўны бранзалет, крыжападобныя падвескі, срэбраныя пацеркі, грыўні наўгародскага, літоўскага і кіеўскага тыпаў. Усе вырабы з высакапробнага срэбра. Два колты, крыжападобныя падвескі пазалочаны.