Адпраўлена!

Памылка!

Петра-Паўлаўская царква

Цiкавае

Змест

Звесткі аб каштоўнасці

Шыфр

613Г000669

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Мінская вобласць, Уздзенскі раён, аграгарадок Возера, вул. Цэнтральная, 1 А

Датаванне

1838 - 1840 гг.

Стыль

Позні класіцызм з элементамі рэтраспектыўна-рускага стылю

Апісанне

Найбольш раннія звесткі аб існаванні ў Возеры царквы адносяцца да 1733 г. Царква, якая захавалася да нашага часу, была пабудавана ў 1840 г. уладальнікам маёнтка графам Чапскім. У 1866 г. была капітальна адрамантавана. З'яўляецца помнікам архітэктуры позняга класіцызму.

Будынак царквы аднанефавы, безапсідны, прамавугольны ў плане сіметрычнай аб'ёмна-прасторавай кампазіцыі. У цэнтры ўзвышаецца драўляны васьмігранны барабан з высокім шатровым завяршэннем, увенчаным галоўкай. Ля асновы шатровага завяршэння па перыметры размешчаны трохвугольныя какошнікі. Фасады храма раскрапаваны плоскімі адзінарнымі і слаістымі пілястрамі. Драўляны прытвор на галоўным фасадзе вырашаны мураваным двухкалонным дарычным порцікам з трохвугольным франтонам. Унутры асноўны аб'ём храма перакрыты плоскай падшыўной столлю. Дэкаратыўным акцэнтам інтэр'ера з'яўляецца трох'ярусны іканастас перламутравай афарбоўкі на 16 абразоў. Калісьці асобна пастаўленая мураваная званіца не захавалася.

У 1930-я гг. царкву ператварылі ў клуб, а затым у склад для сховішча зерня. Зноў багаслужэнні ў Возерскай царкве пачаліся ў верасні 1941 г. і больш не спыняліся.

У 1956 г. у царкве быў праведзены рамонт.