зваротная сувязь
Калі вы заўважылі недакладнасць, ці маеце пытанне - лістуйце:
Помнік ахвярам гітлераўскага генацыду
Шыфр
713Д000035
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
2000 год
Апісанне
Яўрэйскія гета - гэта па сутнасці лагеры смерці. Яны былі часткай нацысцкай палітыкі генацыда, накіраванага на знішчэнне людзей па расавых, нацыянальных і рэлігійных прыкметах. Мінскае гета было створана 19 ліпеня 1941 г. па распараджэнні каменданта палявой камендатуры № 812 К.Шлегельхофера. Адведзены пад гета раён меў плошчу каля 2 кв.км. У межы гета былі ўключаны кварталы замчышча, Ракаўскага прадмесця, Юбілейнай плошчы і кварталы, прылеглыя да яе. Помнік створаны на месцы ямы, дзе 2 сакавіка 1942 г. нацысты расстралялі вязняў мінскага гета, аднаго з буйнейшых у Еўропе. Асноўны элемент помніка - бронзавая скульптурная кампазіцыя "Апошні шлях". Размешчана ўздоўж лесвіцы, якая вядзе ў яму да цэнтру мемарыяла. Уяўляе з сябе групу асуджаных пакутнікаў, якія спускаюцца на дно ямы. 27 фігур, нібы безаблічныя і маўклівыя цені, пакорна спускаюцца насустрач смерці. На дне ямы знаходзіцца абеліск з чорнага граніту, пастаўлены ў 1947 г. На ім на рускай мове і ідыш напісаны памятныя словы: "Светлая память на светлые времена пяти тысячам евреев, погибших от рук лютых врагов человечества - фашистско-немецких злодеев. 2.03.1942 г.". Дно ямы выкладзена чорнай брусчаткай. У склад мемарыяла ўваходзяць алея "Праведнікаў свету" з пасаджанымі дрэвамі ў гонар грамадзян Беларусі, якія ратавалі яўрэйскія сем'і ў гады вайны, дэкаратыўны элемент - мінора, на якой словы падзякі ўсім тым, з чыёй дапамогай быў створаны помнік.
Сартаваць па