Адпраўлена!

Памылка!

Помнік Ф.Э. Дзяржынскаму

Цiкавае

Ахоўная дошка ўмацавана на камяні, з левага боку ад помніка Ф.Э. Дзяржынскага

Змест

Звесткі аб каштоўнасці

Шыфр

612Ж000613

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнік мастацтва Ж

Месца знаходжання

Мінская вобласць, Стаўбцоўскі раён, хутар Дзяржынава

Датаванне

1977 г.

Апісанне

У цэнтры мемарыяла на высокім прамавугольным пастаменце з чырвонага граніту ўстаноўлены бронзавы бюст Ф.Э. Дзяржынскага (скульптар С. Вакар, архітэктар Ю. Казакоў). Да помніка вядзе дарожка, выкладзеная бетоннымі плітамі. На тэрыторыі “Мемарыяльнага комплекса “Дзержынова” у 1977 г. устаноўлены “Помнік Ф.Э. Дзяржынскаму”.

Да 100-годдзя з дня нараджэння Ф.Э. Дзяржынскага на плошчы перад домам, на высокім прамавугольным пастаменце з чырвонага граніту, быў устаноўлены бронзавы бюст Фелікса Эдмундавіча Дзяржынскага. Архітэктурнае афармленне помніка выканана архітэктарам Ю.І. Казаковым. Скульптар С.М. Вакар зрабіў выяву Ф.Э. Дзяржынскага згодна з агульнапрынятай традыцыяй. Ф.Э. Дзяржынскі прадстае ў выглядзе “Жалезнага Фелікса”, так як ён выглядаў у першыя гады рэвалюцыі ў час стварэння ГПУ і УНК. Строгі, харызматычны, крыху напружаны твар, сур’езны позірк. Пастамент выкананы з трох частак чырвонага каменя граніта.

З правага боку перад манументам устаноўлены пастамент з некалькі пліт розных памераў, на якіх маецца надпіс ”Феликс Эдмундович Дзержынский”, з левага боку ад помніка на камяні ўсталявана ахоўная дошка.Тэрыторыя вакол помніка выбрукавана бетоннымі плітамі двух колераў, якія гарманічна адцяняюць колеравае рашэнне асноўнага пастамента.