Адпраўлена!

Памылка!

Помнік К.С. Заслонаву

Цiкавае

Змест

Звесткі аб каштоўнасці

Шыфр

213Д000108

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Месца знаходжання

Віцебская вобласць, Аршанскі раён, г. Орша, перон чыгуначнага вакзала станцыі Орша Цэнтральная

Датаванне

1955 г.

Стыль

Сацыялістычны рэалізм

Апісанне

Помнік К.С. Заслонаву на пероне чыгуначнага вакзала станцыі Орша ўстаноўлены на пастаменце, умацаваным на стылабаце. Побач размешчана магіла К.С. Заслонава і Я.В.Каржэні. На пастаменце з чырвонага граніта ўстаноўлена бронзавая скульптура фігуры Героя Савецкага Саюза К.С. Заслонава. На паверхні пастамента размешчаны бронзавая пяціканцовая зорка і надпіс "К.С. Заслонаў”.

Першапачаткова над праектам помніка з 1952 г. працавалі спецыялісты Белдзяржпраекта пад кіраўніцтвам архітэктара Волчака і скульптара С. Селіханава. Праект помніка і магілы быў адкарэктаваны ў 1954-1955 гг. пад кіраўніцтвам архітэктара Г. Сысоева.

Пад устаноўку помніка быў выбраны сквер на станцыі г. Орша, дзе знаходзіцца магіла К. Заслонава. 3 ліпеня 1955 г. помнік быў урачыста адкрыты. Аўтары помніка скульптар С. Селіханаў і архітэктар Г. Сысоеў.

У 1970 г. былі праведзены рэстаўрацыйныя работы. Наступныя рэстаўрацыйныя работы праводзіліся ў 2004 г. у сувязі з рамонтам будынка вакзала і добраўпарадкаваннем прылеглай тэрыторыі.