зваротная сувязь
Калі вы заўважылі недакладнасць, ці маеце пытанне - лістуйце:
Помнік М. Казею
Шыфр
712Ж000093
Катэгорыя каштоўнасці
Тып каштоўнасці
Месца знаходжання
Датаванне
1959 г.
Апісанне
Каб увекавечыць памяць аб юным героі, у 1957 г. было вырашана паставіць помнік у скверы каля тэатра оперы і балета. Праектаванне помніка было даручана інстытуту "Белдзяржпраект". Аўтары помніка скульптар С.Селіханаў і архітэктар В.Волчак. Помнік устаноўлены ў 1959 г. Фігура юнака ўзвышаецца на шырокім пастаменце ў форме ўсечанай піраміды. Герой паказаны ў час апошняга бою з паднятай перад кідком гранатай. Другой рукой трымае аўтамат. Яркі дынамічны сілуэт пераканаўча перадае характар юнага партызана ва ўсёй постаці, рысах твару - рашучасць і мужнасць, перакананасць у перамозе над ворагам.
Бронзовая фігура ўдала спалучаецца з пастаментам. Пастамент абліцаваны светла-чырвонымі апрацаванымі і колатымі камянямі. Пастаўлены на подыум. Спераду да пастамента вядуць прыступкі. Пляцоўка вакол помніка адгароджана каменным бардзюрам, абсаджана нізкімі стрыжанымі кустамі.
Сартаваць па