Адпраўлена!

Памылка!

Помнік на месцы забойства ахвяр фашызму - вязняў Пінскага гета

Цiкавае

Змест

Звесткі аб каштоўнасці

Шыфр

113Д000720

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Падтып каштоўнасці

Мемарыяльны комплекс

Месца знаходжання

Брэсцкая вобласць, г. Пінск, вул. Пушкіна

Датаванне

1993 г.

Апісанне

Помнік выкананы ў форме абеліска з гранітнай пліты чырвонага колеру, устаноўленай вертыкальна. Пліта ўмуравана ў бетонны пастамент, абліцаваны чырвонай тратуарнай пліткай. Асноўная паверхня каменя не апрацаваная, рванага характару. Частка абеліска мае роўную адпаліраваную паверхню, на якой размешчаны дзве мемарыяльныя металічныя літыя дошкі чорнага колеру. На верхняй дошцы надпіс па-беларуску: "Тут на тэрыторыі гета ў 1941-1944 гг. фашысты праводзілі масавыя знішчэнні яўрэяў, цыган, вязняў пінскай турмы - партызан i падпольшчыкаў". На ніжняй дошцы надпіс на яўрэйскай мове, які сведчыць аб знішчэнні апошніх жыхароў "малога гета" 23 снежня 1942 года на тэрыторыі Каролінскіх могілак. На адваротным баку абеліска прымацавана ахоўная дошка Міністэрства культуры Рэспублікі Беларусь. Добраўпарадкаванне вакол помніка выканана з тратуарнай цэментнай чырвонай пліткі ў форме круга з трыма адыходзячымі сцежкамі.