зваротная сувязь
Калі вы заўважылі недакладнасць, ці маеце пытанне - лістуйце:
Помнік Сымону Буднаму
Шыфр
612Ж000473
Катэгорыя каштоўнасці
Тып каштоўнасці
Месца знаходжання
Мінская вобласць, Нясвіжскі раён, г. Нясвіж, вул. Міцкевіча
Датаванне
1982 г.
Апісанне
Помнік Сымону Буднаму – славутаму асветніку, гуманісту, філолагу, рэфармацыйнаму дзеячу XVI ст., заснавальніку друкарні ў Нясвіжы. Аўтары помніка – вядомы беларускі скульптар С.Р.Гарбунова і архітэктар Ю.І.Казакоў.
У 1982 годзе ў Нясвіжы ў скверы перад будынкам плябаніі і побач з касцёлам Божага Цела ўстаноўлены помнік выдатнаму дзеячу эпохі адраджэння Сымону Буднаму. Размешчаны ў скверы каля касцёла Божага Цела. Арыентаваны на вуліцу Ленінскую.
Бронзавая фігура С. Буднага (2,85 м) велічна ўзвышаецца на пастаменце (0,65 м). Ва ўзнятай руцэ кніга з эмблемай сонца – сімвалам святла і ведаў. Фігура вылеплена буйнымі аб'ёмамі. Спакойная пластыка паставы, падкрэсленая рытмам складак адзення, надае статуі манументальнасць, стварае вобраз вялікай духоўнай сілы.
Постамент абліцаваны чырвоным гранітам.
Сартаваць па