зваротная сувязь
Калі вы заўважылі недакладнасць, ці маеце пытанне - лістуйце:
Праабражэнская царква
Шыфр
213Г000571
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
Канец ХІХ – пачатак ХХ ст. (1898 - 1900 гг.)
Стыль
Псеўдарускі
Апісанне
Праабражэнская царква ў в. Язна пабудавана ў канцы ХІХ – пачатку ХХ ст. з цэглы ў псеўдарускім стылі. Святыня мае багатую гісторыю. Згадка пра царкву ў с. Язна ёсць у “Рэвізіі Полацкага ваяводства " 1552 г. Царква не зачынялася ў савецкі час, заўсёды тут былі службы. У храме да гэтай пары знаходзяцца абразы XVII - ХІХ стст.
Пры старых могілках была драўляная царква, якая ў 1828 годзе згарэла. У тым жа годзе мясцовы памешчык Раймунд Корсак пабудаваў Праабражэнскую царкву замест згарэлай. Тады драўляны будынак са званіцай лічыліся часовымі. Аднак ім давялося выстаяць даволі працяглы час. Месца, дзе знаходзілася новая царква, зараз адзначана вялікім крыжам. Пра тое, што менавіта тут яна стаяла, сведчаць пахаванні святароў і членаў іх сем'яў на царкоўным двары. Месца для новай царквы абрана вельмі ўдала: прыгожы белы будынак з залатымі купаламі дамінуе над усёй мясцовасцю і відаць здалёк. У Кліравых ведамасцях за 1900 і 1901 гады згадваюцца дзве царквы: новая Праабражэнская і старая Свята Праабражэнская, пазней пра яе вестак няма. Да нашага часу захоўваецца цікавы летапіс Язненскай царквы, які з’яўляецца важнай крыніцай не толькі па гісторыі святыні, але і мястэчка на працягу паўстагоддзя.
Храм чатырохчастковы. Кампазіцыя будынка складаецца з шатровай званіцы, бабінца, асноўнага аб’ёму, пяціграннай апсіды з бакавымі прыдзеламі. Асноўны крыжападобны ў плане аб’ем накрыты чатырохсхільным дахам, які завершаны цыбулепадобным купалам. Узбуйненыя элементы архітэктурнага дэкору (карнізы, фрыз, ліштвы, лапаткі, броўкі арачных аконных праёмаў) ствараюць насычаную пластыку экстэр’еру пабудовы.
Сартаваць па