Праабражэнскі касцёл; дэкаратыўнае убранне: алтары, амбон, арган

Праабражэнскі касцёл знаходзіўся ў цэнтры вёскі. Пабудаваны ў 1825 годзе з цэглы на сродкі ўладальніка мястэчка кн. Сапегі. У 1889 г. храм згарэў, аднак у наступным 1890 г. быў адбудаваны на сродкі прыхаджан. У 1900 г. праведзены капітальны рамонт храма, падчас якога пакладзена новая падлога з цэментных пліт белага і чорнага колеру, спраўлены падмуркі, на ўваходзе ў рызніцу зроблены новы ганак. Асобна размешчаная драўляная званіца была абшыта новымі дошкамі. У званіцы меліся 3 званы. У 1883 г. касцёльны цвінтар быў абнесены драўлянай агароджай.