Сядзіба вядома з 1501 г. У XVI ст. Ганута належала князям Гальшанскім. Гаспадары мяняліся даволі часта. З 1501 г. па 1599 г., паводле розных матэрыялаў (духоўныя запісы, судзебныя рашэнні, залогавыя акты, упаўнамоцтвы), якія сведчаць аб пераходзе праў на ўласнасць, маёнткам, акрамя Гальшанскіх, валодалі Пацы, Сангушкі, Славенскія, Зяновічы. У 1723 г. Ганутай разам з Беніцай, Маладзечна і Гародліва валодаў Казімір Коцел. Відаць, у гэтым жа годзе ў якасці пасагу дачцэ Разаліі сядзіба перайшла Казіміру Ігнацію Агінскаму.  Падрабязных звестак аб будаўніцтве сядзібы не маецца. Відаць, яе будаваў як летнюю рэзідэнцыю князя запрошаны з Вільні вядомы італьянскі архітэктар Абрахам Гену. Аўтарам праекта з'яўляецца архітэктар, вядомы астраном, прафесар Віленскага універсітэта Тамаш Жаброўскі.