Рэшткі былой сядзібы "Двор Стайкі": фрагменты парку; фрагменты воднай сістэмы; гаспадарчыя пабудовы - будынак былога бровара, рэшткі склепа, стайні, тока
Шыфр
613Г000131
Катэгорыя каштоўнасці
Тып каштоўнасці
Месца знаходжання
Мінская вобласць, Вілейскі раён, в. Стайкі, на паўночны ўсход ад вёскі
Датаванне
другая палова ХVІІІ - XIX стагоддзе
Стыль
Барока, пазней - класіцызм
Апісанне
Па звестках Р.Афтаназі, ужо ў першай палове 18 ст., а, магчыма, і раней Стайкі належалі роду Багдановічаў герба "Багорыя". Сядзіба ў Стайках будавалася Тадэвушам Багдановічам у другой палове 18 ст. ў стылі барока. Размешчана сядзіба ў маляўнічым узвышаным месцы. Мела асіметрыча-восевую кампазіцыю. Больш верагодна, што сядзібны дом быў пабудаваны ў канцы 18 ст., меў рысы класіцызму. Будынак стаяў на даволі высокім цокалі, быў аднапавярховы, драўляны, атынкаваны. Галоўны фасад вылучаўся чатырохкалонным тасканскім порцікам з тэрасай. З тыльнага боку сядзібнага дома таксама існавала тэраса. У доме было шмат фамільных каштоўнасцей. Паведамляецца, што ў доме спыняўся Напалеон. На чырвоным століку 2 снежня 1812 г. ён падпісаў загад аб прымяненні палявых судоў да марадзёраў. Пазнейшая дабудова правага крыла ўнесла ў кампазіцыю дома элемент асіметрыі. Адначасова пачалося пераафармленне парку ў пейзажны.