Шыфр
312Ж000742
Катэгорыя каштоўнасці
Тып каштоўнасці
Месца знаходжання
Гомельская вобласць, Светлагорскі раён, г. Светлагорск, вул. імя 50-годдзя Кастрычніка, 19
Датаванне
1972 г.
Апісанне
У 1972г. у Светлагорску будуецца тагачасны палац культуры хімікаў. Для ўпрыгожання адной са сцен быў запрошаны мастак Г.Х.Вашчанка. Каб натхніцца Светлагоршчынай, мастак наведвае тагачасны камбінат штучшага валакна, часта гуляе па беразе Бярэзіны. У наш час роспіс “Зямля Светлагорская” – класіка манументальнага роспісу; ён уключаны амаль ва ўсе зборнікі, прысвечаныя манументальнаму мастацтву. “Зямля Светлагорская” выдзяляецца вытанчанай пластычнасцю і арнаментальнасцю, тонкім сумяшчэннем каляровых плямаў. Роспіс зроблены полівінілацэтатнай тэмперай па леўкасу.
Манументальнае пано складаецца з трох частак, якія арганічна перацякаюць адна ў другую. Яблыкі і коні, буслы, якія быццам купаюцца ў глыбіні неба, жанчына з хлебам каля магілы невядомага салдата, сучасная работніца тэкстыльнай прамысловасці, хлопец з раскрытай кнігай -- усе гэтыя вобразы кампазіцыйна аб'яднаны светавымі кругамі і сферамі: менавіта ў іх і сярод іх развіваюцца сюжэтныя дзеянні.