зваротная сувязь
Калі вы заўважылі недакладнасць, ці маеце пытанне - лістуйце:
Руіны былога замка Сапегі з фрагментамі абарончых збудаванняў
Шыфр
412Г000064
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
XVI ст. - XVII ст.
Апісанне
Гальшанскі мураваны замак, узведзены ў першай палове XVII ст. Сваёй кампазіцыяй ён аддалена нагадвае Мірскі замак і ўяўляе сабой прамавугольны (88,6 х 95,6 м) замкнуты будынак. Жылыя карпусы з вежамі на вуглах утвараюць замкнёны квадратны двор. Аднак магутныя абарончыя сцены, характэрныя для замкавага будаўніцтва XVI ст., у Гальшанах саступілі месца фасаду жылога дома. Тут ужо няма надбрамнай вежы, а наружныя шасцікантовыя вежы сталі меншыя і больш стройныя. У іх размяшчаліся жылыя і гаспадарчыя памяшканні. Вежы яшчэ канчаткова не страцілі свайго абарончага значэння, аднак аснова абароны Гальшанскага замка перамясцілася ўжо на земляныя магутныя валы і вадзяныя равы, што абкружалі замак. Уязная брама размяшчалася па цэнтры аднаго з доўгіх фасадаў, які з гэтага боку вызначаецца манументальнай прастатой. Арачны партал абрамляўся архівольтам. Насупраць замкавай брамы, на процілеглым баку падворка знаходзілася невялікая каплічка, убудаваная ў жылы корпус. Дрэнная захаванасць замка ў Гальшанах не дазваляе дастаткова поўна вызначыць яго планіроўку. Можна толькі сцвярджаць, што справа ад уваходу знаходзілася вялікая квадратная зала з чатырма калонамі, на якія абапіраліся крыжовыя скляпенні. Сцены залы даўней былі пакрыты багатым жывапісам.Невялікія пакойчыкі ў вежах упрыгожваліся разнастайнаю лепкай. Ужо ў XVII ст. Гальшанскі замак ад Сапегаў трапіў да іншых гаспадароў і на працягу стагоддзяў часта пераходзіў з рук у рукі. Пасля Вялікай Айчыннай вайны тут пэўны час знаходзілася школа пчалаводаў. У акце абследавання замка ў 1946 г. адзначалася, што ён меў бутавыя падмуркі, бутавы цокаль быў абліцаваны цэглай. Падвалы і памяшканні першага паверха перакрыты скляпеннямі, на другім паверсе перакрыцці плоскія. Накрыты быў гонтавым дахам. Шатры вежаў таксама мелі гонтавае пакрыццё. На дадзены момант у замку праводзяцца рамонтна-рэстаўрацыйныя работы. У адноўленай Паўночнай вежы размешчана музейная экспазіцыя.
Сартаваць па