Руіны царквы Усіх Святых
Руіны царквы Усіх Святых
Змест
Звесткі аб каштоўнасці
Шыфр
213Г000878
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1645 г.
Апісанне
Царква Усіх Святых знаходзіцца ў паўночна-ўсходняй частцы Бягомля, у месцы перасячэння некалькіх вуліц, на ўзвышшы. З'яўляецца помнікам архітэктуры рэтраспектыўна-рускага стылю.
Храм уяўляе сабой крыжавідную форму. Шматпланавая аб’ёмна-прасторавая кампазіцыя храма складаецца з папярочнага прытвора-званіцы, трапезнай і апсіды. Архітэктурна-дэкаратыўны эфект храма ствараецца спалучэннем рознакаляровай бутавай муроўкі сцен, таўшчынёй звыш аднаго метра, з атынкаванымі элементамі дэкору, вуглавымі шырокімі лапаткамі, тонкапрафіляванымі карнізамі, аркатурнымі фрызамі, фігурнымі паяскамі высокіх арачных аконных праёмаў.
На сённяшні час без істотных пашкоджанняў захавалася толькі паўднёвая частка царквы – прытвор-званіца. Квадратны барабан над уваходам і гэтая частка царквы накрыта часовым шыферным дахам. З заходняга боку добра захавалася прамавугольная прыбудова, якая выступае над іншым прамавугольным прыбудаваным аб’ёмам большай шырыні, з дэкаратыўнымі масіўнымі квадратнымі паўкалонамі. Паўночная частка будынку не захавалася і прадстаўлена толькі падмуркамі і тарцовымі часткамі заходняй і ўсходняй сцен. Усходняя сцяна царквы нагадвае заходнюю, але мае значна большыя пашкоджанні і разбурэнні.
Першыя звесткі аб Бягомльскай царкве адносяцца да 1645 г. Першапачаткова царква была ўніяцкай. Пасля 1837 г. была пераведзена ў праваслаўе.
У 1877-1886 гг. царква была перабудавана.
Да сваёго закрыцця ў 1930-я гг. у царкве захоўвалася ўнікальная бібліятэка, архіў, старадаўнія іконы, якія, на жаль, у час ганенняў на царкву былі знішчаны.
У 1930-я гг. храм быў прыстасаваны пад клуб, інтэрнат, карчму. У 1937 г. паставілі паравік, да яго падключылі пілараму, а ў царкве зрабілі млын. Пасля вайны, у 1948 г., у царкве працавала піларама.
У 1991 г. будынак быў вернуты вернікам. У гэтым жа годзе царква была асвешчана ў імя Усіх Святых.
На сённяшні дзень штогод у Бягомльскай царкве Усіх Святых шырока адзначаецца свята, якое праводзіцца ў першую нядзелю пасля Троіцы.
Доступ да аб'екта
Доступ да аб'екта
Запыт аб допуску да карыстання рэсурсамі Банка звестак будзе накіраваны ў Міністэрства культуры. Міністэрства культуры прымае рашэнне аб прадастаўленні ці адмове ў прадастаўленні доступа да карыстання рэсурсамі Банка звестак, аб аб'ёме і паўнаце прадастаўляемай інфармацыі. Рашэнне прымаецца на працягу 10 дзён