Селішча

Селішча - рэшткі паселішчаў, жыхары якіх займаліся сельскагаспадарчай дзейнасцю: земляробствам, жывёлагадоўляй, хатнімі промысламі і ў меншай ступені паляваннем, збіральніцтвам, рыбалоўствам. У старажытнарускіх летапісах сельскія паселішчы называліся весі, пагосты, цвінтары, слабоды.

Селішча эпохі Старажытнай Русі і болей позняга часу на левым беразе р. Чорная Натапа, у 0,2 км на паўночны ўсход ад вёскі, размешчанай на процілеглым беразе, у 1 км на поўдзень ад в. Усполле, у 150 м на паўночны захад ад шашы Чавусы-Мсціслаў, вакол сельскіх могілак в. Краснае.