Селішча

Селішча знаходзіцца на левым беразе р. Віхра, на паўночнай ускраіне вёскі, на правым  і левым берагах безназоўнага ручая, левага прытока р. Віхра, у полі.

На разараным полі правага берага ручая сабрана вялікая колькасць фрагментаў керамікі ад гаршкоў, некаторыя арнаментаваныя гарызантальнай лініяй. У абрыве дарогі выяўлены культурны слой цёмна-шэрага колеру, магутнасцю 0,5–1,5 м, у якім былі знойдзены сляды пажарышча, абгарэлае дрэва, рэшткі печаў-каменак, попел, косткі жывёл, ганчарная кераміка, фрагменты гаршкападобнай кафлі XV ст. 

Селішча адкрыў А.М. Ткачоў, абследаваў у 2004 г. А.У. Коласаў.