Адпраўлена!

Памылка!

Селішча-1 перыяду ранняга жалезнага веку

Цiкавае

Змест

Звесткі аб каштоўнасці

Шыфр

313В000397

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Гомельская вобласць, Калінкавіцкі раён, в. Слабодка, размешчана праз 1,7 км на паўднёвы захад ад вёскі Слабодка, на ўзвышшы сярод поймы левабярэжжа р. Тур'я

Датаванне

1-е тыс. да н.э. - 1-е тыс. н.э.

Апісанне

Селішча-1 перыяду ранняга жалезнага веку (паселішча-1 перыяду неаліту І тыс. н. э.) знаходзіцца на захад ад в. Слабодка, на левым беразе р. Тур'я, у лесе, ва ўр. Мікольскае. Размешчана на паўночнай ускраіне астанца першай надпоймавай тэрасы, з поўначы і захаду абмежавана руслам ракі. Вышыня над узроўнем вады - 2,5 - 3,5 м. Працягласць паселішча згодна з распаўсюджваннем археалагічных матэрыялаў складае 500-700 м, шырыня да 250 м. Належала днепра-данецкай культуры эпохі неаліту. Датуецца І тыс. да н.э. - І тыс. н.э.

Помнік упершыню агледзелі ў 1960 г. У.Ф. Ісаенка і В.М. Вяргеенка, абследаваў У.Ф. Ісаенка ў 1961, 1964, 1973, 1975 гг. Падчас абследаванняў ў 1960-х гг. на разворанай паверхні паселішча прасочваліся рэшткі жытлаў у выглядзе попельна-вугальных плямаў з абпаленымі камянямі і скапленнямі ляпной керамікі і апрацаванага крэменю. Усяго было зафіксавана 9 такіх плямаў, якія размяшчаліся ланцужком уздоўж берага ракі на адлегласці 25-30 м адна ад адной.

У 1960-61 гг. на разворанай паверхні паселішча была сабрана значная колькасць археалагічных матэрыялаў ад неаліту да эпохі ранняга сярэднявечча. Пераважную большасць знаходак склала ляпная кераміка другой паловы I тыс н.э.

У 1964 г. на паселішчы Слабодка-1 былі праведзены раскопкі. Падчас абследавання паселішча ў 1975 г. на паверхні помніка акрамя абломкаў ляпных пасудзін былі знойдзены пацеркі з сіняга шкла. Асноўная маса знаходак на помніку - апрацаваны крэмень і арнаментаваная ляпная кераміка.

У 2017 г. паселішча Слабодка-1 агледзела А.Ф. Касюк.