Селішча перыяду ранняга жалезнага веку

Стаянка эпохі неаліту і селішча часоў Старажытнай Русі на ўсходнім беразе воз. Бесіта, за 0,25 км на паўднёвы захад ад вёскі, на пясчанай дзюне.

У пясчаных выдзіманнях прасочваецца культурны пласт цёмна-шэрага колеру, магутнасцю 0,2–0,3 м, насычаны попелам і вуглямі. Археолагамі былі сабраны фрагменты ляпной керамікі светла-карычневага колеру з адбіткамі дробназубчастага штампа, пласціны, адшчэпы, вырабы з выемкай. Тут жа сустракаюцца фрагменты ганчарнай керамікі, арнаментаваныя гарызантальнымі паралельнымі лініямі.

Помнік у значнай ступені знішчаны кар'ерам.

Дзюна парастае травой і хмызняком. Праз тэрыторыю помніка праходзіць палявая дарога.