Адпраўлена!

Памылка!

Селішча перыяду ранняга жалезнага веку

Цiкавае

Змест

Звесткі аб каштоўнасці

Шыфр

113В000694

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Брэсцкая вобласць, Столінскі раён, в. Рубель

Датаванне

II ст. да н.э. - II ст. н.э.

Апісанне

Селішча перыяду ранняга жалезнага веку размешчана на поўнач ад аг. Рубель, абапал дарогі на Давыд-Гарадок, ва ўрочышчы Прысава. Узнікла ў перыяд ранняга жалезнага веку (II ст. да н.э. - II ст. н.э.). Адносіцца да плямён зарубінецкай культуры.

Упершыню селішча выявіў і даследаваў у 1957 г. Ю.У. Кухарэнка. У 1962 г. К.В. Каспарава працягнула даследаванні.

Падчас даследаванняў былі выяўлены 4 буйныя ямы, 2 з якіх, магчыма, з’яўляюцца рэшткамі паўзямлянкавых жытлаў. У культурным пласце селішча выяўлена вялікая колькасць фрагментаў керамікі 3 відаў: гаршкоў і місак з шурпатай паверхняй; місак, радзей гаршкоў з глянцаванай паверхняй; вялікіх таўсценных гаршкоў з глянцавым або загладжаным верхам і бугрыстым тулавам. Знойдзены таксама фрагмент крамянёвага серпабадобнага нажа, кавалкі жалезнага шлаку.