Адпраўлена!

Памылка!

Сядзіба

Цiкавае

Змест

Звесткі аб каштоўнасці

Шыфр

613Г000209

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнік сядзібнай архітэктуры

Месца знаходжання

Мінская вобласць, Клецкі раён, в. Стралкава, Янавіцкі сельскі выканаўчы камітэт

Датаванне

1909 г.

Стыль

Неакласіцызм

Апісанне

Сядзіба ў в. Стралкава, 1909 г. Ансамбль сядзiбы мае рэгулярную планiроўку, уключае сядзiбны дом, свiран, браму, пад'язную алею. З'яўляецца помнiкам архiтэктуры неакласiцызму. Сядзібны дом уяўляе сабой аднапавярховы прамавугольны ў плане мураваны будынак на бутавым цокалі. Накрыты высокім вальмавым дахам з люкарнамі. Мае сіметрычную аб'ёмна-прасторавую кампазіцыю. Манументальнасць галоўнага ўвахода падкрэслена шырокім ганкам, які выкладзены з блокаў ружовага вапняку.

Характэрная рыса інтэр'еру - адкрытыя балечныя столі. Сцены прарэзаны шырокімі аконнымі праёмамі. Дваровы фасад з паўкруглым эркерам у цэнтры раскрапаваны шырокімі лапаткамі. Планіроўка будынка анфіладная. У цэнтры знаходзіцца вестыбюль і вялікая зала. Дзе групы бакавых памяшканняў маюць тарцовыя выхады. У інтэр'еры захаваўся кафляны камін. Зараз аб'ект не выкарыстоўваецца.