Сядзіба Умястоўскіх: будынак спіртзавода, спіртасховішча

У 1885 годзе пры маёнтку Умястоўскіх была пабудавана мураваная вінакурня (спіртзавод) на месцы старой драўлянай. Прыблізна ў той жа год пабудавана і спіртасховішча. Па некоторых дадзеных для будынкаў маёнтка, у тым ліку і вінакурні з спіртасховішчам, выкарыстана цэгла, зробленая на цагельні ля в. Дабраўляны, якая таксама належала Умястоўскім. Цагельня была абсталявана новымі спецыяльнымі машынамі, прывезенымі Уладзіславам Умястоўскім з Паўднёвай Францыі.

У 1995 г. былі перададзены ва ўласнасць закрытага акцыянернага таварыства “Чабор” і некаторы час выкарыстоўваліся па прызначэнню.

На сённяшні дзень спіртзавод і спіртасховішча не працуюць.