На ўсходняй ускраіне Гродна, на высокім правым беразе Нёмана захаваліся рэшткі маляўнічай старажытнай сядзібы, якая з'ўлялася загараднай рэзідэнцыяй караля Станіслава Аўгуста Панятоўскага. Панямунь для апошняга караля Рэчы Паспалітай Станіслава Аўгуста праектаваў адзін з лепшых архітэктараў Вялікага Княства Літоўскага каралeўcкi архітэктар Джузеппэ Сака.

Сядзібна-паркавы комплекс "Панямунь" прадстаўлены палацам, рэшткамі парку, гаспадарчымі пабудовамі, капліцай.

Па адной з версій парк магчыма быў закладзены ў першай палове XIX ст. Магчыма гэта быў пейзажны парк, аднак ад яго амаль нічога не захавалася. 

З дрэвастоя парку сутракаюцца ліпы, алешыны, грабы, хвоі, адзіночныя клёны і грушы. Парк быў разбіты з улікам прыроднага рэльефа. Яр быў утвораны вадацёкамі, якія і зараз накіраваныя ў Нёман, стала размываючы і паглыбляючы дно. Яр выгінаецца, мяняючы сваю шырыню ад 10 да 24 метраў. Схілы яра дасягаюць часам вышыні 10-12 м. Па дне яра праходзіць дарожка.