Адпраўлена!

Памылка!

Сядзібны дом маёнтка "Малыя Дольцы"

Цiкавае

Змест

Звесткі аб каштоўнасці

Шыфр

213Г000946

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнік сядзібнай архітэктуры

Месца знаходжання

Віцебская вобласць, Ушацкі раён, в. Новая Жызнь, - 5А

Датаванне

Меркавана з 1848 г.

Стыль

Эклектыка

Апісанне

Маёнтак "Малыя Дольцы" належаў сямейству Вярэнька меркавана з 1848 г. У 1873 г. Феліцыян Вярэнька перадаў маёнтак сваёй дачкі Юзэфе-Разаліі, па мужу - Сушынскай, якая валодала ім да 1916 г.

Сядзібны дом маёнтка з'яўляецца ўзорам архітэктуры дваранскіх сядзіб ХІХ - пачатку ХХ стст. Уяўляе сабой цагляны аднапавярховы, 9-восевы, прастакутнага плана будынак з вальмавым дахам. Пабудаваны ў стылі эклектыкі. Характэрным элементам афармлення цэнтральнага ўваходу дома з'яўляўся порцік і шырокі ганак. Цэнтральны і бакавыя выступы дома ўпрыгожаны пілястрамі, а зверху - фігурнымі франтонамі з невялікімі чатырохкутнымі вежкамі па баках.

Мяркуецца, першапачаткова ў цэнтральнай частцы франтона размяшчалася выява сямейнага герба Сушынскіх, аднак у савецкі перыяд дадзены малюнак быў дэмантаваны і заменены прастакутным фрагментам з лічбавым пазначэннем "1936". Над галоўным уваходам размешчаны балкон з металічнай агароджай.

Памяшкання першага паверха з'яўляліся жылымі, на другім паверсе размяшчаўся летні пакой. У падвале дома – гаспадарчыя памяшканні. Унутраная планіроўка калідорная.

Побач з домам часткова захаваўся парк, які абгінае рака. Паркавыя насаджэнні прадстаўлены ліпай, ясенем, серабрыстай таполяй. На тэрыторыі парку размяшчаліся дзве штучныя сажалкі круглай формы.

У 1918 г. сядзіба была нацыяналізавана. Пасля станаўлення ў раёне савецкай улады сядзібны дом і гаспадарчыя пабудовы перадалі пад патрэбы калгаса. У пасляваенныя гады памяшканні дома былі адведзены пад інтэрнат.

На працягу другой паловы ХХ - пач. ХХІ стст. у будынку размяшчалася кантора калгаса "Новае Жыццё", калгасная сталовая, паштовае аддзяленне, аддзяленне КБА, бібліятэка і сельскі клуб. У размешчаным за домам маляўнічым парку была пабудавана сцэна, што зрабіла яго цэнтрам культурнага жыцця ўсяго калгасу.

Са жніўня 2013 г. і па цяперашні час будынак пустуе.