Спаса-Увазнясенская царква

Драўляная Увазнясенская царква ў маёнтку памешчыка Магільніцкага ў в. Кіявічах была пабудавана ў 1752 г. У 1864 г. было вырашана на яе месцы з дабаўленнем новага матэрыялу пабудаваць новую драўляную царкву разам са званіцай. Затым у 1866 г. быў падрыхтаваны праект мураванай царквы на падмурку і цокалі з булыжнага каменя. Аднак будаўніцтва царквы адклалі па прычыне адсутнасці дзяржаўнага фінансавання, да таго ж адбывалася пераразмеркаванне прыходаў. У 1872 г. памешчык Ф. Клімаў заказаў новы праект мураванай царквы ў віленскага архітэктара Чагіна. Акрамя заказанага праекта Ф. Клімаў ахвяраваў 400 рублёў срэбрам на новы іканастас для царквы. А сяляне прыхода абавязваліся выконваць усе чарнавыя работы па будаўніцтве. Будаўнічыя работы пачаліся толькі ў 1877 г. Будаўніцтва царквы было завершана ў 1882 г. У Вялікую Айчынную вайну будынак царквы быў пашкоджаны. У 1988 г. вернуты вернікам і рэстаўрыраваны.