Адпраўлена!

Памылка!

Стаянка-1 перыяду неаліту

Цiкавае

Змест

Звесткі аб каштоўнасці

Шыфр

113В000149

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Брэсцкая вобласць, Бярозаўскі раён, аг. Спорава, 0,2 км на захад ад аграгарадка, на паўночна-заходнім беразе воз. Спораўскае, 0,95 км ад берагавой лініі, з левага боку ад дарогі на в. Здзітава

Датаванне

12 - 2 тыс. да н.э.

Апісанне

Стаянка Спорава-1 размешчана на ўсходнім ускрайку надпоплаўнай тэрасы воз. Спораўскае, на яго паўночным беразе. Даўжыня стаянкi каля 100 м, вышыня над узроўнем вады 2,5 м, магутнасць культурнага слоя 0,9-1 м. Культурны пласт помніка часткова парушаны гаспадарчымі пабудовамі, у час палаводдзя з берагу вымываюцца артыфакты (прылады працы і адыходы творчасці з крэменя і рэшткі ляпнога посуду).

Помнік выяўлены Я.Р. Раманавым у 1910 г., даследаваны Ю.В. Кухарэнкам у 1955 г., У. Дз. Будзько, У.Ф. Ісаенкам, А.Г. Калечыц у 1963 г., дадаткова даследваны А.Г. Калечыц у 2011 г. Знойдзены артэфакты эпохі неаліту - ранняга, сярэдняга і позняга этапаў Нёманскай культуры, якія прадстаўлены прыладамі працы і адыходамі вытворчасці з крэменя, фрагментамі ляпнога посуду.