Адпраўлена!

Памылка!

Стаянка перыяду каменнага і бронзавага вякоў, селішча перыяду сярэднявечча і новага часу

Цiкавае

Змест

Звесткі аб каштоўнасці

Шыфр

413В000199

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Гродзенская вобласць, Гродзенскі раён, в. Пагараны, на паўночны ўсход ад вёскі

Датаванне

ІХ - VІІІ тыс. да н. э.

Апісанне

Стаянка перыяду каменнага і бронзавага вякоў, селішча перыяду сярэднявечча і новага часу займае роўную пляцоўку верхняй тэрасы ад дарогі за ўсходняй ускраінай вёскі да другога (сярэдняга) яра. На поўначы падыходзіць да края тэрасы. На ўсходзе і поўдні вызначаецца па наяўнасці на паверхні пад'ёмных археалагічных артэфактаў.

Першыя зборы пад'ёмнага матэрыялу ў ваколіцах в. Пагараны на пясчаным полі каля Нёмана і каля могілак уніз па рацэ праводзіліся ў 1935 г. І. Савіцкай. У 1958 г. археалагічныя разведкі тут праводзіў Л. Клейн. Былі знойдзены крамянёвыя вырабы, фрагменты ляпной і ганчарнай керамікі, вызначана магутнасць культурнага пласту.

У 1999 г. В.С. Абухоўскі і В.Л. Лакіза дакладна лакалізавалі стаянку і селішча Пагараны-1. У месцы размяшчэння помніка былі сабраны крамянёвыя вырабы і фрагменты ганчарнай керамікі, у тым ліку фінальнапалеалетычны нуклеус (валкушанскай культуры).

У 2008 г. В.Л. Лакіза правёў новае абследаванне помніка.

Тэхніка-тэхналагічны аналіз атрыманай крамянёвай калекцыі артэфактаў, наяўнасць ляпной і ганчарнай керамікі, лакалізацыя помніка на верхняй тэрасе Нёмана дазваляе папярэдне датаваць Пагараны-1 фінальным палеалітам (ХІ-VIII тыс. да н.э.), неалітам (V-ІІ тыс. да н.э.) і эпохай сярэднявечча (XV-XVIII стст.).