Стаянка-2 перыяду неаліту і бронзавага веку, селішча перыяду ранняга сярэднявечча

Стаянка і селішча ў в. Даманова - гэта археалагічны помнік матэрыяльнай культуры, пакінуты насельніцтвам каменнага века і сярэднявечча ў перыяд паміж V тыс. да н.э. і XVIII стагоддзям н.э.

Абавязковым элементам, які падлягае захаванню, з’яўляецца культурны пласт стаянкі і селішча. Культурным пластом у археалогіі называюць пласт зямлі, які змяшчае рэшткі жыццядзейнасці старажытных людзей. 

Помнік мае вельмі важнае значэнне для вывучэння першабытнай гісторыі Бабруйскага раёна, таму што раскопкі стаянак і селішчаў даюць вельмі каштоўную гістарычную інфармацыю аб жыцці насельніцтва ў каменным веку і сярэднявеччы, аб матэрыяльнай і духоўнай культуры, аб сувязях з блізкімі і далёкімі суседзямі, дазваляюць удакладніць межы рассялення плямёнаў.