Адпраўлена!

Памылка!

Стаянка Дарошавічы-1 перыяду бронзавага веку

Цiкавае

ГКК Дарошавічы-1. Выгляд з паўночнага захаду

Змест

Звесткі аб каштоўнасці

Шыфр

413В000162

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Гродзенская вобласць, Гродзенскі раён, в. Дарошавічы, 0,5 км на паўночны захад ад вёскі, на надпойменнай тэрасе

Датаванне

VII - VI тыс. да н. э.

Апісанне

Стаянка Дарошавічы-1 знаходзіцца на правабярэжнай тэрасе р. Нёман, на паўночны ўсход ад паўночнай ускраіны в. Дарошавічы, насупраць вострава пасярод ракі. Займае злёгку нахіленую ў паўночным і ўсходнім накірунках пляцоўку надпоймавай тэрасы, якая інтэнсіўна разворваецца. З паўднёвага боку яна абмежавана ярам, з усходу краем тэрасы і руслам ракі, на поўначы практычна прымыкае да ракі. Датуецца стаянка і селішча Дарошавічы-1-ГЭС перыядам каменнага і бронзавага вякоў, (VII-VI тыс. да н. э., ІІІ-ІІ тыс. да н.э.) і сярэднявеччам (XV-XVII стст.).

Помнік выявіла ў 2003 г. група археолагаў у складзе В.С. Абухоўскага, Л.Г. Калечыц, ВЛ. Лакізы, М.М. Чарняўскага. Былі знойдзены крамянёвыя вырабы і фрагменты керамікі каменнага і бронзавага вякоў, у тым ліку кола культуры шнуравой керамікі.

У 2010 г. В.Л. Лакіза правёў на помніку археалагічныя раскопкі. Была атрымана калекцыя артэфактаў (крамянёвыя прылады працы, ляпная і ганчарная кераміка, металічныя вырабы), якія сведчаць аб наяўнасці ў гэтым месцы шматкультурнага паселішча з розначасовымі матэрыяламі позняга мезаліту, позняга неаліту-бронзавага веку і позняга сярэднявечча.