Адпраўлена!

Памылка!

Стаянка Дарошавічы-3 перыяду фінальнага палеаліту

Цiкавае

Змест

Звесткі аб каштоўнасці

Шыфр

413В000164

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Гродзенская вобласць, Гродзенскі раён, в. Дарошавічы, 0,4–0,5 км на паўднёвы ўсход ад вёскі

Датаванне

Х - VIII тыс. да н. э.

Апісанне

Стаянка Дарошавічы-3 перыяду фінальнага палеаліту знаходзіцца на правабярэжных тэрасах р. Нёман, на поўдзень ад стаянкі і селішча-2. Займае ўчасткі верхняй і ніжняй (надпоймавай) тэрас. Верхні абмежаваны з поўначы ярам. Ніжні прыпадае на своеасаблівае ўзвышэнне тэрасы і пачынаецца ад палявой дарогі адразу за помнікам Дарошавічы-1-ГЭС і працягваецца на ўсходзе да русла ракі, а на поўдні цягнецца ўздоўж цячэння. Датуецца перыядам каменнага і бронзавага вякоў (Х-ІІ тыс. да н.э.), познім сярэднявеччам і новым часам (XVI - XVIII стст.).

Упершыню крамянёвыя вырабы і фрагменты посуду культуры шнуравой керамікі выявіла ў гэтым месцы Н.М. Гурына ў сярэдзіне XX ст.

Непасрэдна помнік Дарошавічы-3-ГЭС лакалізавала ў 2003 г. група археолагаў у складзе В.С. Абухоўскага, А.Г. Калечыц, ВЛ. Лакізы, М.М. Чарняўскага. Была знойдзена шматлікая калекцыя крамянёвых вырабаў, пераважна фінальнапалеалітычнага часу.

У 2010 г. В.Л. Лакіза правёў на ніжнім участку помніка археалагічныя раскопкі. Была атрымана калекцыя артэфактаў (крамянёвыя прылады працы, ляпная і ганчарная кераміка, металічныя вырабы), якія сведчаць аб наяўнасці ў гэтым месцы шматкультурнага паселішча з розначасовымі матэрыяламі фінальнага палеаліту, мезаліту, позняга неаліту-бронзавага веку, позняга сярэднявечча і новага часу.