Стаянка і селішча

Курганны могільнік эпохі Старажытнай Русі на правым беразе р. Узбінка (2,5 км), за 2,3 км на паўночны ўсход ад вёскі, за 1 км на паўночны ўсход ад сельскіх могілак, ва ўрочышчы “Жорава Балота”. Насыпы размеркаваны ад паўночна-ўсходняга да паўднёвага берага перасыхаючага возера “лужыны”.

Дваццаць тры насыпы паўсферычнай формы, акруглыя ў плане, вышынёй 0,3–1,7 м, дыяметрам 4–12 м, задзірнаваныя, параслі дрэвамі і дробным хмызняком. У асновы дваццаці двух курганоў прасочваюцца ровікі. Восем насыпаў пашкоджаны скарбашукальніцкімі ямамі.